PYETJE DHE PËRGJIGJE – DIVA 2025

PYETJE
DHE
PËRGJIGJE
DIVA 2025

Çfarë është DIVA?

DIVA është Deklarata Individuale Vjetore e të Ardhurave.

                * Sipas ligjit të ri ‘Për tatimin mbi të ardhurat’ i ndryshuar, quhet Deklarata Vjetore e të Ardhurave Personale (DVAP)
            

Kur duhet ta dorëzoj DIVA 2025?

Afati për dorëzimin e DIVA është 31 mars 2026.

Për cilën periudhë deklarohet?

Deklarohet për periudhën janar – dhjetor 2025.

Kush ka detyrim për të deklaruar?

Individët me të ardhura vjetore mbi 1.2 mln lekë bruto, nga të gjitha burimet;

Individët që për të paktën 1 muaj gjatë vitit 2025 kanë qenë të punësuar në më shumë se 1 punëdhënës;

Individët me të ardhura mbi 50 mijë lekë pa tatim në burim (Booking, Airbnb, Youtube, qeradhënia etj).

Kush përfiton rimbursim?

Çdo individ që ka plotësuar në DIVA 2025:

a. Rubrikën përkatëse për numrin e fëmijëve në ngarkim
b. Rubrikat përkatëse për shpenzimet arsimore.

Ky rimbursim përfiton nga prindërit/kujdestarët ligjore që kanë të ardhura vjetore deri në 1.2 milion lekë.

                *Kujdes, që rimbursimi të kryhet duhet që DIVA 2025 të rezultojë me tepricë kreditore.
            

Si e përfitoj këtë rimbursim?

Individi përfiton zbritje nga baza tatimore, konkretisht për:

Çdo fëmijë në ngarkim, nën 18 vjeç, përfiton tatim korrespondues për shumën e zbritur prej 48 000 lekësh;
Shpenzimet arsimore për fëmijët në ngarkim, deri në vlerën maksimale prej 100,000 lekësh;

Si të aplikoj për t’u rimbursuar?

Nëpërmjet dorëzimit të deklaratës DIVA 2025 në e-Filing, kur rezulton me mbipagesë.

Krijo çështje në modulin Çështjet e mia (Pyetje e Përgjithshme) dhe bashkëlidh:

a. Dokument me të dhënat e llogarisë personale bankare;
b. Çertifikatën familjare;
c. Dokumentacionin justifikues (Kontratat dhe faturat e pagesës për arsimin, gjuhët e huaja etj).

Çfarë ndodh nëse nuk kam faturat?

Në mungesë të dokumentacionit justifikues, shpenzimet arsimore nuk njihen.

Rekomandohet që çdo pagesë të kryhet në mënyrë të dokumentuar.

Pyetje të tjera

Kur mund të refuzohet?
Kur DIVA nuk rezulton me mbipagesë, dokumentacioni është i paplotë, ose shpenzimet nuk janë të ligjshme.

A mund ta korrigjoj?
Po. Individi mund të paraqesë deklaratë korrigjuese brenda afateve ligjore nëse konstaton pasaktësi.